जनप्रतिनिधिसहित १४ जुवाडे पक्राउ

पाल्पा ३ फागुन । पाल्पाको रामपुरमा दुई जना जनप्रतिनिधिसहित १४ जना जुवाडे पक्राउ परेका छन् । रुद्रकुमार श्रेष्ठको घरमा जुवा खेलिरहेको अवस्थामा वडा नम्बर ४ का वडा सदस्य ३७ वर्षीय तिर्थ बहादुर थापा, वडा नम्बर ५ का वडा सदस्य ४९ वर्षिय काशिनाथ रेग्मी सहित १४ जना पक्राउ परेका छन्।

जुवाखालबाट ८ बुक तास र एक लाख तीन हजार दुई सय पचासी रुपियाँ बरामद भएको इलाका प्रहरी कार्यालय रामपुरका प्रमुख, प्रहरी निरीक्षक भीम बहादुर कार्कीले जानकारी वताए ।

उनका अनुसार रामपुर ५ का ५१ वर्षीय रुद्र कुमार श्रेष्ठ, त्यसै ठाउँका ५१ बर्षिय नगेन्द्र काफ्ले, ६४ वर्षीय श्यामकान्त शर्मा, ५८ वर्षीय फत्त बहादुर थापा, ५० वर्षीय भेष बहादुर शाही, ३९ वर्षीय यादवप्रसाद भण्डारी, ४० वर्षीय मुक्ति थापा, रामपुर ४ का ४५ वर्षिय चाम बहादुर शाही, ४१ वर्षीय जोरमहमद, ३४ वर्षीय निलकण्ठ खाम्चा, ४६ वर्षीय देव सेन र निस्दी गाउँपालिका ४ का ३३ वर्षीय पूर्ण बहादुर बारघरेलाई ईलाका प्रहरी कार्यालय, रामपुरमै राखेर कारबाही अघि बढाइएको जिल्ला प्रहरी कार्यालय, पाल्पाले जनाएको छ ।

तपाईको प्रतिक्रिया दिनुहोस

About चितवन अनलाईन

View all posts by चितवन अनलाईन →